Allergiklər üçün çiçəkləmə dövrü böyük təhlükə yaradır, ona görə də belə insanlara çobanyastığı, gerbera, zanbaq və xrizantema buketlərini verməməlisiniz.
Azpost.info xəbər verir ki, bunu rusiyalı toksikoloq Mixail Kutuşov bildirib.
Həkimin sözlərinə görə, çiçək allergiyasının əlamətlərinə quru öskürək, asqırma, burun və gözlərin qaşınması daxildir. Çiçəklərdəki tozcuq yuxarı və aşağı tənəffüs yollarına və göz qapaqlarının selikli qişalarına daxil olduqda kəskin allergik reaksiya baş verə bilər.
Zanbaqda burun tıxanıqlığı, öskürək və digər çətinliklərə səbəb olan alerjenlər var. Çobanyastığı ağır anafilaksiyaya səbəb ola bilər və bu, təkcə buketlərə deyil, həm də tərkibində bu çiçək olan kremlərə, çaylara və dəmləmələrə aiddir.
Bu çiçəklərdən hazırlanan buketə dənli bitki əlavə etmək də tövsiyə edilmir, çünki bu, çarpaz allergiyaya səbəb ola bilər.
Azpost.info
