Almaların sağlamlığa faydası onların hansı vaxtda yeyilməsindən də asılıdır. AzPost “Rbc.ua” saytına istinadla xəbər verir.
Mütəxəssislər bildirirlər ki, almanı səhər və ya günün birinci yarısında yemək mədə-bağırsaq sistemini qaydasında saxlamağa kömək edir, qan şəkərinin səviyyəsini stabilləşdirir və uzun müddət toxluq hissi yaradır.
Almalar həm çözünən, həm də çözünməyən liflər ehtiva edir. Çözünməyən lif bağırsaqda nəcis kütləsini artıraraq boşalmanı stimullaşdırır, çözünən lif isə jel yaradır və həzm prosesini asanlaşdırır. Eyni zamanda almanın pektini faydalı bağırsaq bakteriyalarını qidalandırır və uzun müddət qəbizliyin qarşısını alır.
Səhər yeməyindən əvvəl alma yemək qan şəkərinin səviyyəsinin kəskin artmasının qarşısını alır. Pektin həzm prosesini ləngidərək toxluq hissini artırır və şəkər dalğalanmalarının qarşısını alır.
Daimi olaraq aşağı qlikemik indeksli meyvələr, məsələn, alma, üzüm və yaban mersini, 2-ci tip diabet riskini azaltmağa kömək edir.
Arıqlamaq istəyənlər üçün məsləhət olunur ki, yeməkdən 10–15 dəqiqə əvvəl tam bir alma yesinlər, bu toxluq hissini maksimum dərəcədə artırır və yemək miqdarını azaldır.
