“Artıq ölkə daxilində koronavirus infeksiyası yayılır” –"Daha ciddi tədbirlərin görülməsi tələb olunur" (NAZİR MÜAVİNİ)

“Artıq ölkə daxilində də koronavirus infeksiyası yayılır, ona görə də ciddi tədbirlərin görülməsi tələb olunur”.

Bunu bu gün ölkədə xüsusi karantin rejimi elan edilməsi ilə bağlı keçirilən mətbuat konfransında Nazirlər Kabineti yanında Operativ Qərargahın üzvü, Səhiyyə nazirinin müavini Viktor Qasımov bildirib. V. Qasımov deyib ki, iri miqyası epidemiyanın qarşısının alınmasına heç bir ölkənin səhiyyəsi hazır deyil: “Bu xəstəliyi 80 faiz yüngül keçirsə də, 20 faiz üçün xüsusi müalicə lazım olur, 5 faizi isə süni nəfəs aparatına ehtiyac duyur. Xəstəliklə müalicədə ilk növbədə şəxsi gigiyenaya riayət edilməlidir”.

Nazir müavini nəzərə çatdırıb ki, 65 yaşından yuxarı səhiyyə işçiləri də fəaliyyətlərini davam etdirəcəklər”.

V.Qasımovun sözlərinə görə, koronavirus artıq dünyanın 187 ölkəsində aşkar olunub, təxminən 300 min əhali virusa yoluxub, 13 mindən çox adam vəfat edib.

O bildirib ki, fevral və mart ayında əsasən bu virus ölkəyə idxal olunurdu, yəni vətəndaşlar bu virusa xarici ölkələrdə yoluxub qayıdırdı: “İndi isə artıq ölkə daxilində də virusa yayılma baş verir. Ona görə daha ciddi tədbirlərin görülməsi tələb olunur. Heç bir ölkənin səhiyyə sistemi bu virusa tam hazır deyildi. Hətta bəzi ölkələrdı yalnız ağır vəziyyətdə olanlar müalicə olunurdu. Virusa yoluxan təxminən 15-20 faiz xəstə oksigen terapiyası, 5 faizində isə  ağciyərlərin süni ventilyasiyana ehtiyac olur. Ölkəmizdə virusa qarşı dərman preparatları, əlavə qoruyucu vasitələr alınır. Virusdan qorunmaq üçün ilk növbədə şəxsi gigiyenaya önəm vermək lazımdır. Əllər tez-tez yuyulmalı və spirt tərkibli məhlullar vurulmalıdır. Eyni zamanda vətəndaşlar sosial izolyasiya tədbirlərinə diqqət göstərilməlidir”.

Səhiyyə naziri yaşı 65-dən çox olan vətəndaşların evdən çıxmasına qadağa qoyulması məsələsinə də aydınlıq gətirib. O bildirib ki, bu qərar yaşı 65-dən yuxarı olan tibb işçilərinə aid deyil:

“Yaşı 65-dın yuxarı olan tibb işçiləri  öz vəzifə borcunu yerinə yetirəcək. Bu qərar tək olan vətəndaşlar üçün nəzərdə tutulub”.

Nazir müavininin sözlərinə görə, Azərbaycan hazırda karantində olanların sayı təxminən 1000 nəfərdir. Virusa yoluxanlar əsasən 29-50 yaş arası olan insanlardır. Virusa yoluxanlardan təxminən 30-u xaricdə virusa yoluxub gələnlərdir, digərləri ölkə daxili yoluxmaya tutulanlardır.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Azərbaycanda 18 yaşına qədər olan 3 nəfər koronavirusa yoluxub

Sonrakı məqalə

Nazir müavini “aptekdə tibbi maska niyə yoxdur?” sualına cavab verdi: