Yay aylarının sonu ikinci əl avtomobil bazarında ən aktiv dövrlərdən biri hesab olunur. Bir çox sürücü məhz avqust ayında avtomobil almağa üstünlük verir.
Lakin mütəxəssislər xəbərdarlıq edirlər ki, zahiri görünüşə aldanmaq sonradan ciddi xərcə səbəb ola bilər.
Kondisioneri mütləq yoxlayın
İsti havada normal işləyən kondisioner payız və qış mövsümündə də sistemin saz vəziyyətdə olduğunun göstəricilərindən biridir.
Şassi səsini dinləyin
Test sürüşü zamanı yalnız mühərriki deyil, asqı sistemini də yoxlamaq vacibdir. Xırda səslər gələcəkdə bahalı təmir demək ola bilər.
Elektron sistemləri yoxlayın
Park sensorları, kamera, multimedia sistemi və digər elektron avadanlıqların işlək vəziyyətdə olmasına diqqət yetirin.
Servis tarixçəsini istəyin
Avtomobilin mütəmadi texniki baxışdan keçib-keçmədiyini göstərən sənədlər gələcək problemləri əvvəlcədən qiymətləndirməyə imkan verir.
Boya qalınlığını ölçdürün
Xüsusi cihaz vasitəsilə avtomobilin hansı hissələrinin sonradan rəngləndiyini müəyyən etmək mümkündür. Bu, gizlədilmiş qəzaların aşkarlanmasına kömək edir.
Ekspertlər bildirirlər ki, ikinci əl avtomobil alarkən tələsmək əvəzinə peşəkar diaqnostikaya və sənədlərin yoxlanmasına vaxt ayırmaq sonradan böyük maliyyə itkilərinin qarşısını ala bilər.
S.Aydın
