Avrasiya İqtisadi Komissiyasının Şurası 2026-cı il iyunun 30-dək avtomobil benzini, təyyarə yanacağı, dizel yanacağı, dəniz yanacağı və digər yanacaq növlərinə idxal gömrük rüsumlarının ləğv edilməsi barədə qərar qəbul edib.
AzPost bildirir ki, bu qərar yerli istehsalın azalması və tələbatın mövsümi artımı fonunda daxili motor yanacağı bazarında tarazlığı qorumaq məqsədi daşıyır.
Qərar rəsmi dərc edildiyi gündən 10 təqvim günü sonra qüvvəyə minir.
Avrasiya İqtisadi Komissiyası Ermənistan, Belarus, Qazaxıstan, Qırğızıstan və Rusiyadan ibarət Avrasiya İqtisadi İttifaqının (EAEU) icra orqanıdır. Aİİ-nin fəaliyyətinin əsas istiqamətlərindən biri Aİİ çərçivəsində regionlararası ticarət-iqtisadi əməkdaşlığın inkişafıdır.
Bundan əvvəl xəbər verilirdi ki, yanacaq çatışmazlığı Rusiyanın Xabarovsk diyarında yanacaqdoldurma məntəqələrində böyük növbələrə səbəb olub. Maşınlar hələ açılmamış yanacaqdoldurma məntəqələrində növbəyə durur. Sovetsko-Qavanski və Vanino rayonlarında bir çox yanacaqdoldurma məntəqələri satmağa heç nəyi olmadığı üçün fəaliyyətini dayandırmaq məcburiyyətində qalıb.
