Avropa Komissiyası Rusiyaya qarşı sanksiyaların 11-ci paketində idxala yeni məhdudiyyətlər əlavə etməyi və sanksiyalardan yayınma məsuliyyətini artırmağı təklif edir.
Azpost.info xəbər verir ki, bunu Avropa Komissiyasının sədri Ursula fon der Lyayen Kiyevdə keçirdiyi brifinqdə bildirib.
Komissiya sədri Kiyevə bu gün səhər saatlarında gəlib.
Fon der Lyayenin sözlərinə görə, Rusiyaya qarşı yeni sanksiyalar paketi üç əsas elementi əhatə edir:
“Birincisi, biz artıq mövcud olan məhdudiyyətləri dəqiqləşdiririk və idxal qadağasına daha çox növ mal əlavə edirik. Xüsusən də üçüncü ölkələrə, sonra isə Rusiyaya gedən təyyarələr üçün ən son texnologiya və ya ehtiyat hissələrini. İkinci element sanksiyalardan yayınmanın qarşısını almaq üçün yeni vasitələrdir. Avropa mallarının üçüncü ölkələrə getdiyini və sonra Rusiyada peyda olduğunu görsək, Avropa Komissiyası üzv dövlətlərə bu malların ixracına qarşı sanksiyalar tətbiq etməyi təklif edə bilər. Üçüncüsü, Avropa Komissiyası Rusiyadan və sanksiyaları bilərəkdən pozan üçüncü ölkələrdən kölgə təşkilatlarına qadağa qoyulmasını təklif edir”.
Azpost.info
