“Avroviziya 2024” mahnı müsabiqəsində ölkəmizi təmsil edəcək Fahree və İlkin Dövlətovun səsləndirdiyi “Özünlə apar” mahnısına çəkilən klip təqdim olunub.
Klip yarışmanın rəsmi yutub səhifəsində yerləşdirilib.
İsveçin Malmö şəhərində keçiriləcək “Avroviziya 2024” mahnı müsabiqəsinin yarımfinal mərhələləri bu il mayın 7-si və 9-u, final mərhələsi isə mayın 11-də baş tutacaq.
Azərbaycan bu il 1-ci yarımfinalda çıxış edəcək.
