Vəzifə
Azərbaycanda bir sıra rayon və şəhərlərdə yerli icra hakimiyyəti başçısı vəzifəsi hazırda vakant olaraq qalır. Bu vəziyyət həm yeni inzibati bölgələrin formalaşdırılması, həm də kadr dəyişiklikləri prosesi ilə əlaqədardır.
AzPost bildirir ki, bəzi ərazilərdə başçıların vəzifədən azad edilməsinə baxmayaraq, bu günədək onların yerinə təyinat həyata keçirilməyib.
Hazırda icra başçısı olmayan ərazilər bunlardır:
Nəsimi rayonu (Bakı şəhəri)
Paytaxtın mərkəzi rayonlarından biri olan Nəsimidə icra hakimiyyəti başçısı postu bir müddətdir boşdur. Bu vəzifəni son olaraq Asif Əsgərov icra edirdi. O, 2024-cü ilin sonunda vəzifədən azad olunub. Hazırda rayonun rəhbərliyi müvəqqəti şəkildə digər struktur rəhbərləri tərəfindən icra olunur.
Culfa rayonu (Naxçıvan Muxtar Respublikası)
Naxçıvanın Culfa rayonuna rəhbərlik edən Mirsənani Seyidov 2023-cü ilin sonlarında vəzifədən azad edilib. O vaxtdan etibarən bu rayona yeni icra başçısı təyin olunmayıb. Bu, Naxçıvanda son illərdə müşahidə olunan struktur islahatları və rəhbərlik dəyişiklikləri kontekstində baş verir.
Ağdərə rayonu
İşğaldan azad olunmuş bölgələrdən biri olan Ağdərə rayonunda isə icra hakimiyyətinin yaradılması prosesi davam edir. Rəsmi olaraq rayon üçün struktur formalaşdırılsa da, indiyədək icra başçısı təyin edilməyib.
