Pakistanda Azərbaycan Ticarət Evi və ortaq Ticarət və Sənaye Palatası yaratmaqla bağlı layihələr üzərində çalışırıq.
Bunu Bakıda keçirilən Azərbaycan-Pakistan Biznes Forumunda iqtisadiyyat nazirinin müavini Səməd Bəşirli deyib.
S.Bəşərli bildirib ki, 2023-cü ildə Azərbaycan və Pakistan arasında ticarət dövriyyəsinin həcmi 27 milyon ABŞ dolları olub:
“Bunun böyük hissəsini Azərbaycanın Pakistandan idxal etdiyi məhsullar təşkil edir. Lakin qarşılıqlı ticarəti inkişaf etdirmək üçün böyük potensial mövcuddur”.
