Beynəlxalq dərəcəli hakim-inspektor Babək Quliyev UEFA tərəfindən növbəti dəfə vəzifələndirilib. AzPost xəbər verir ki, o, 21 yaşadək futbolçular arasında Avropa çempionatının seçmə mərhələsində keçiriləcək Türkiyə–Ukrayna oyununun hakim-inspektoru olacaq.
Qarşılaşma noyabrın 14-də baş tutacaq. H qrupuna daxil olan bu oyun İstanbulda, “Kasımpaşa Recep Tayyip Erdoğan” stadionunda keçiriləcək.
Qeyd edək ki, Babək Quliyev UEFA-nın müxtəlif yarışlarında dəfələrlə hakim-inspektor kimi çıxış edib və beynəlxalq arenada Azərbaycan futbolunun təmsilçilərindən biri hesab olunur.
