KontaktHome
Paytaxt sakini Emil Azad dostunun Kontakt Home Xalqlar filialından aldığı telefonla bağlı ciddi narazılıq yaşadığını bildirib. Onun sözlərinə görə, Samsung A36 model telefonu 800 manata alarkən əlavə olaraq 170 manat “Qızıl zəmanət” ödənişi olunub. Beləliklə, cihazın qiyməti 1200 manata yüksəlib.
AzPost xəbər verir ki, müştəri bildirir ki, telefonu cəmi 2-3 gün istifadə etdikdən sonra batareyasında sürətli enerji itkisi müşahidə edilib. Şikayət əsasında mağazaya müraciət olunduqda, satış məsləhətçiləri servisə yönləndirib. Halbuki, “Qızıl zəmanət” paketinə əsasən, belə hallarda daha operativ və yerində xidmət göstərilməsi nəzərdə tutulur.
Telefon mağaza tərəfindən yoxlanıldıqdan sonra problem qeydə alınmayıb və rəsmi servisə göndəriləcəyi bildirilib. Maraqlısı odur ki, bu müddətdə müştəriyə sadə bir telefon təqdim olunub. Emil Azad qeyd edir ki, 14 gün ərzində geri qaytarma və dəyişdirmə hüququ olduğu halda prosedurun bu qədər uzadılması və zəmanət dəyərinin ilkin ödənişlə uyğun gəlməməsi haqlı narazılıq doğurub.
Daha sonra servis tərəfindən təmir edilərək geri qaytarılan telefonda yenə də eyni batareya problemi davam edir. Emil Azad sual edir: “Bəs bu halda biz şikayətimizi kimə etməliyik? Qızıl zəmanət varsa, müştəri niyə bu qədər süründürülür?”
Kontakt Home mövqe bildirərsə yazı yenilənəcək.
