Texniki cəhətdən nasaz qatar xətdən çıxarılaraq, “Xocəsən-Avtovağzal” istiqamətində hərəkət tam bərpa olunub. Saat 18:00-da “Xocəsən” stansiyasının işi bərpa olunub və sərnişinlərin qəbuluna başlanılıb.
Bu barədə “Bakı Metropoliteni” QSC-dən bildirilib.
******
“Xocəsən” stansiyasından “Avtovağzal” stansiyası istiqamətində hərəkətə başlayan qatarda texniki nasazlıq yaranıb. Bu səbəbdən sərnişinlərin “Xocəsən” elektrik deposu ərazisində olan qatardan təxliyə edilməsi zərurəti yaranıb. Təxliyə problemsiz başa çatıb.
“Bakı Metropoliteni” QSC-dən bildirilib ki, texniki problem aradan qaldırılana qədər “Xocəsən” stansiyasına sərnişinlərin girişi tam məhdudlaşdırılıb.
“Xocəsən” stansiyası istiqamətində hərəkət edən sərnişinlərdən xahiş olunur ki, nasazlıq aradan qaldırılana qədər alternativ nəqliyyat vasitələrindən istifadə etsinlər.
“Avtovağzal-8 Noyabr” sahəsində qatarların hərəkəti qrafik üzrə normal qaydada təmin olunur.
Qatarların “Xocəsən” stansiyası istiqamətində hərəkətinin bərpa edilməsi barədə ictimaiyyətə əlavə məlumat veriləcək.
