Qaz-işıq
Paytaxtda yaşayan vətəndaşların gündəlik tələbatları ilə yanaşı, kommunal xidmətlərə ayırdığı vəsait də durmadan artır. AzPost olaraq, Bakı şəhərində bir nəfərin və dörd nəfərlik ailənin aylıq kommunal xərclərini real qiymətlər əsasında hesabladıq.
Mərkəzləşdirilmiş istilik sistemindən istifadə edən binalarda tək yaşayan bir şəxs üçün orta aylıq istilik haqqı təxminən 60 manat təşkil edir. Bunun üzərinə elektrik enerjisi üçün 10-15 manat, qaz sərfiyyatına görə 20 manat civarında əlavə olunur. Soyuq və isti suyun ümumi dəyəri isə 20 manata yaxın tutur. Tullantıların yığımı, lift və digər xidmətlərlə birlikdə bir nəfərin ayda kommunal xərcləri təxminən 100–140 manat aralığında dəyişir.
Dörd nəfərlik ailələrdə isə bu göstəricilər daha yüksək olur. İstilik xərci 120 manata, elektrik 30 manata, qaz isə təxminən 45 manata çatır. Su sərfiyyatı ailə üzrə artır və 60 manata yaxınlaşır. Digər əlavə xərclərlə birlikdə dörd nəfərlik bir ailə Bakıda kommunal xidmətlərə hər ay təxminən 250–300 manat arası vəsait xərcləyir.
