Bakı şəhəri üzrə təklif olunan orta ev qiymətlərinin orta aylıq nominal əmək haqqına (Bakı üzrə) nisbəti isə 217 ay və ya 18.1 il təşkil edib.
Bu barədə Azərbaycan Mərkəzi Bankının məlumtanda deyilir.
Qeyd edilib ki, cari ilin iyun ayının sonunda Bakı şəhəri üzrə təklif edilən median aylıq kirayə haqqı 883 manat təşkil edir ki, bu da daşınmaz əmlakın kapitalizasiya müddətinin 22.5 il olmasını şərtləndirir.
Xatırladaq ki, 2025-ci ilin yanvar-iyun aylarında paytaxtda muzdla işləyənlərin orta aylıq nominal əməkhaqqı 2024-cü ilin müvafiq dövrünə nisbətən 8,4 faiz artaraq 1375,4 manat təşkil edib.
İqtisadçı Natiq Cəfərlinin sözlərinə görə, Mərkəzi Bankın əvvəlki illərdən fərqli olaraq bir neçə istiqamətdə yeni hesablamalar, proqnozlar, araşdırmalar təqdim etməsi yaxşı təşəbbüsdür.
