Almaniya və Böyük Britaniya qırıcıları Baltik dənizi üzərində Rusiyanın üç kəşfiyyat təyyarəsini ələ keçirib.
Azpost.info xəbər verir ki, bu barədə Almaniya Hərbi Hava Qüvvələri məlumat yayıb.
“Eurofighter” qırıcıları 2 Su-27 və 1 İl-20 təyyarəsini ələ keçirib”, – məlumatda deyilir.
Baltikyanı ölkələr olan Estoniya, Latviya və Litvanın öz döyüş təyyarələri yoxdur, ona görə də 2004-cü ildən NATO qüvvələri onların hava məkanının təhlükəsizliyini təmin edir. Bu məqsədlə alyans müttəfiqləri növbə ilə öz təyyarələrini və şəxsi heyətini Baltikyanı ölkələrə yerləşdirirlər.
Aprelin əvvəlində – səkkiz aylıq müddətdən sonra Bundesver Baltik dənizi üzərində NATO-nun hava təhlükəsizliyi missiyasını Böyük Britaniyaya təhvil verdi. Aprelin sonuna qədər Almaniya Böyük Britaniyaya dəstəyini davam etdirəcək, mayın əvvəlində isə alman təyyarələrinin Almaniyaya qaytarılmasına başlanacaq.
Azpost.info
