BMT Belarus hakimiyyətini insanlığa qarşı cinayətlərdə şübhəli bilir. Söhbət zorakılığın tətbiqi, eləcə də məhbuslara qarşı işgəncə və qeyri-insani rəftar nəticəsində insanların ölümündən gedir.
Azpost.info xəbər verir ki, bu barədə BMT-nin Belarusdakı vəziyyətlə bağlı martın 17-də Cenevrədə dərc olunan hesabatında deyilir.
Hesabatda qeyd olunur ki, zorakılıq kampaniyası ilk növbədə hakim rejimi tənqid edənlərə qarşı yönəlib.
Sənəddə Belarusda 2020-ci ilin mayından 2022-ci ilin dekabrına qədər törədilmiş cinayətlər qeydə alınıb.
Təşkilatının nümayəndəsi Liz Trossel bildirib ki, bu gün Belarusda 1500-ə yaxın siyasi məhbus var və bu ilin fevralına kimi orada 800-ə yaxın qeyri-kommersiya təşkilatı bağlanıb.
BMT-nin İnsan Haqları üzrə komissarı Volker Turk Belarusda vətəndaş cəmiyyətinin məhv olmasını tənqid edib: “Belarus hökuməti öz xalqına kütləvi zülmə son qoymağa və kobud qanun pozuntularına görə məsuliyyət daşıyanların məsuliyyətə cəlb edilməsi üçün obyektiv və şəffaf araşdırma aparmağa borcludur”, – Turk vurğulayıb.
Azpost.info
