“Jozef Borrelin Ukraynadakı vəziyyətin hərbi yolla həlli ilə bağlı bəyanatı oyun qaydalarını əhəmiyyətli dərəcədə dəyişir”.
Azpost.info xəbər verir ki, bunu Rusiyanın xarici işlər naziri Sergey Lavrov “Rossiya 24” telekanalının efirində bildirib. “Ya onda şəxsi nələrsə toplanıb, ya da ona göstəriş verilməyən bir şeyi danışıb”, – nazir bildirib.
XİN rəhbəri Borrelin sözlərinə işarə edərək deyib ki, Rusiyanın hərbi əməliyyatı başlayandan Qərbin yürütdüyü siyasətdə çox ciddi dönüş var: “Rusiyanı tamamilə sıxmaq üçün Ukraynadan plasdarm kimi istifadə etməyə başladılar”.
Qeyd edək ki, Avropa İttifaqının (Aİ) xarici siyasət və təhlükəsizlik məsələləri üzrə Ali nümayəndəsi Jozep Borrel son açıqlamalarının birində Ukraynadakı müharibəni döyüş meydanında udmaq lazım olduğunu deyib. Borrel Aİ tarixində ilk dəfə olaraq münaqişənin diplomatik deyil, hərbi yolla həllini arzulayıb.
Azpost.info
