Braziliya Prezidenti xəstəxanaya yerləşdirilib

Braziliya Prezidenti Jair Bolsonaro xəstəxanaya yerləşdirilib.

Bildirilib ki, prezidentin xəstəxanaya getməsi onun əziyyət çəkidyi xronik hıçqırıqların səbəbinin müəyyənləşdirilməsi ilə bağlıdır.

Məlumatda qeyd olunub ki, Bolsonaro hərbi xəstəxanaya gedib və 24-48 saat müddətində nəzarət altında olacaq.

“Prezident özünü yaxşı hiss edir”, – deyə məlumatda vurğulanıb.

Yerli “Globo” nəşri isə yazıb ki, bu gün səhər saatlarında Prezident Bolsonaro qarın nahiyəsində ağrılar hiss etdiyindən müayinə üçün xəstəxanaya aparılıb.

Jair Bolsonaro 2018-ci ildə prezident seçkiləri ilə bağlı kampaniyasında qarın nahiyəsindən bıçaqlanaraq ciddi yara almışdı və o vaxtdan prezidentin səhhəti diqqət mərkəzində olub.

Brazilya lideri ötən il həm də COVID-19 infeksiyasına yoluxmuşdu, o, sağalsa da prezidentdə davamlı öskürək müşahidə olunurdu.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə
Sonrakı məqalə

“Müharibədə itkilərimiz daha da çox ola bilərdi” –