Böyük Britaniyanın Baş naziri Kir Starmer ötən həftə keçirilən “çox çətin” seçki nəticələrindən sonra “ölkəni xaosa sürükləməmək və geri çəkilməmək” üçün məsuliyyəti öz üzərinə götürdüyünü bildirib.
“The Guardian“ın xəbərinə görə, Baş nazir bəyanatında məsuliyyəti öz üzərinə götürüb.
“Mən məsuliyyəti qəbul edirəm. Bu, təkcə nəticələrə görə məsuliyyət deyil, həm də leyboristlərin daha yaxşı çalışması üçün məsuliyyətdir”, – o qeyd edib.
Starmer xəbərdarlıq edib ki, əgər partiya vəziyyəti düzəldə bilməsə, ölkə ciddi risklərlə üzləşə bilər: “Əgər Leyboristlər Partiyası bunu düzgün etməsə, ölkəmiz çox qaranlıq bir yola düşəcək”.
Baş nazir, həmçinin hökumətin əldə etdiyi bəzi nəticələri vurğulayıb. O bildirib ki, səhiyyə və sosial sahələrdə irəliləyiş var.
Starmer qeyd edib ki, bu addımlar iqtisadi sabitlik yaradıb və ölkəni gələcək çətinliklərə daha güclü vəziyyətdə hazırlayır.
