Böyük Britaniya Rusiyaya qarşı yeni sanksiya paketi tətbiq edib. Yeni məhdudiyyətlər Rusiya iqtisadiyyatının bir sıra sektorlarını, o cümlədən bank, gəmiqayırma və dəniz daşımaları sahələrini əhatə edib.
Böyük Britaniya hökumətinin dərc etdiyi sənədə əsasən, yeni siyahıya ümumilikdə 19 mövqe daxil edilib.
Sanksiyalar Rusiyanın altı bank və maliyyə təşkilatına şamil olunub. Siyahıda Ozon Bank, TelePort Bank, Rusiya Eksimbankı, Tsentr-invest, Realist Bank və Bank Stavr yer alıb.
Sənədə Rusiya sənaye müəssisələri də daxil edilib. Onların arasında gəmiqayırma şirkəti “Severnıy Engineering”, həmçinin “MetallKomplekt”, “NİKom”, “Promsiz” və “Texnolyuks” şirkətləri var.
Məhdudiyyətlər dəniz logistikasını da əhatə edib. Sanksiya siyahısına Hindistanın Frion Ship Management şirkəti və Rusiyanın enerji resurslarının daşınması ilə əlaqələndirilən altı gəmi daxil edilib.
Bunlar Arctic Express qazdaşıyan gəmisi, həmçinin Perseas, Torvian, Asteras, Visund və Zenturo tankerləridir.
Yeni sanksiya paketində yalnız bir fiziki şəxs – kimya şirkəti “Siltron”un sahibi Aleksandr Jdanov yer alıb.
