Putin və Zelenski Cenevrədə görüşə bilər.
AzPost bildirir ki, bunu TF1 telekanalına müsahibəsində Fransa prezidenti Emmanuel Makron deyib. Aparıcı ondan Putinlə Zelenskinin Avropada görüşünün mümkünlüyünü soruşub.
“Bu, neytral ölkə olacaq və biz bunu özümüz istəyirik. Bu, İsveçrə ola bilər. Mən şəxsən Cenevrəni və ya başqa bir ölkəni dəstəkləyirəm. Biz bu ikitərəfli görüşün baş tutması üçün hər şeyi edəcəyik”.
Makron deyib ki sonrakı məqsəd sentyabrın əvvəlinə qədər çoxtərəfli sammitin keçirilməsidir: “Amma ilk növbədə, təhlükəsizlik zəmanətləri ilə bağlı bütün işləri sona çatdırmalıyıq. Ona görə də qarşıdakı iki həftə kritik həftə olacaq. Bizə amerikalılarla birgə təhlükəsizliklə bağlı real məzmun kəsb edən işi tamamlamaq lazımdır. Bu çox mühümdür. Daha vacib olan isə dəqiqləşdirməkdir: Putin doğurdanmı sülh istəyir? “Əgər bu görüş əvvəlcə ikitərəfli formatda, sonra isə üçtərəfli formatda baş tutsa, deməli Putin sülh istəyir”, – deyə Makron cavab verib.
Xatırladaq ki, Reuters daha əvvəl Putinlə Zelenski arasında görüşün Macarıstanda baş tuta biləcəyini yazmışdı.
