PBS GROUP şirkəti istehsal etdikləri turboreaktiv PBS TJ 40-G2 mühərrikinin Ukraynaya PUA hücumunda istifadə edildiyi iddiasını qəti şəkildə rədd edir.
Bu barədə Çexiya şirkətinin AzPost-a göndərdiyi rəsmi açıqlamasında deyilir.
Bəyanatda deyilir ki, 28 avqustda yayılan mühərrikin fotoşəkillərinin PBS məhsuluna aidiyyatı yoxdur.
Dərc edilmiş şəklə əsasən, bunun Velká Bíteš törəmə şirkəti tərəfindən istehsal olunan mühərrik olduğunu birmənalı olaraq istisna olunur.
Fotoşəkildəki mühərrik texniki parametrlərə, o cümlədən dizaynına görə fərqlənir.Üstəlik, PBS Bosch şirkəti ilə əməkdaşlıq etmir. PBS GROUP məhsullarının ixracı Çexiya dövlət orqanlarının ciddi nəzarəti altındadır.
“Şirkət beynəlxalq öhdəliklərə sadiqdir. Biz sanksiyalara və ya embarqoya məruz qalan bölgələrə və ya qurumlara ixrac etmirik. 2014-cü ildən bəri biz Rusiyaya hərbi texnika və ikili təyinatlı əşyaların ixracı ilə bağlı Aİ-nin sanksiyalarına ciddi riayət edirik”.
Şirkət bəyan edir ki, qanuni öhdəliklərindən əlavə, mütəmadi olaraq biznes tərəfdaşlarının əlaqələrini yoxlayır və Datlab-ın davamlı gömrük əməliyyatlarının monitorinqi xidmətindən istifadə edir.
Bu sistem şirkətə digər şirkətlər tərəfindən məhsullarımızın potensial təkrar ixracatı və hər hansı uyğunsuzluğu aradan qaldırmağa kömək edir.
“PBS GROUP mühərrikin kimə məxsusluğu müəyyən edilməsində və məhsulun ona aid olmadığını subut etmək üçün Ukrayna tərəfi ilə tam əməkdaşlıq etməyə hazırdır.RBS GROUP Ukraynanın yanındadır və uzun müddətdir Ukraynanı dəstəkləyir”.
Xatırladaq ki, avqustun 28-də Rusiya Ukraynaya, o cümlədən Kiyevə böyük sayda PUA hucumu həyata keçirib. Nəticədə çoxlu sayda mülki şəxs həlak olub.
Mediada hucum zamanı vuurlmuş PUA-nın fotoları yayılıb. Bu fotolarda mühərrikin hazırlanmasında adıçəkilən şirktətin məhsulundan istifadə olunduğu iddia olunur.
