Culian Assanjın həyat yoldaşı Co Baydenə çağırış edib

“Wikileaks” portalının təsisçisi Culian Assanjın həyat yoldaşı Stella Assanj ABŞ Prezidenti Co Baydenə çağırış edib.

Stella Assanj özünün “X” sosial media şəbəkəsində uşaqlarının fotosunu paylaşaraq yazıb: “Oğullarımın atasına ehtiyacı var”. Stella Assanj paylaşımında “LetHimGoJoe” (Co, onu azad et) həştəqindən istifadə edib.

Culian Assanj Londonun Belmarş həbsxanasında beş ildir saxlanılır. ABŞ hökuməti Culian Assanjın ekstradisiyasını tələb edir. Mayın 20-də Londonda keçirilən son məhkəmə prosesinə əsasən, Britaniya hakimləri Culian Assanja ABŞ-a ekstradisiyasına etiraz etmək hüququ verib. Əsl adı Sara Qonzalez olan Stella Culianla ilk dəfə 2011-ci ildə onun ev dustağı olduğu zaman tanış olub. O, 2012-ci ildə öz ailəsini qorumaq üçün adını rəsmi olaraq Stella Moris olaraq dəyişdirdiyini açıqlayıb. Cütlüyün sevgi münasibətlərinə 2015-ci ildə başladığı deyilir. Onlar 2017-ci ildə nişanlanıb, 2022-ci ilin mart ayında isə Belmarş həbsxanasında ailə həyatı qurublar. Bundan sonra isə o, Assanj soyadını götürüb. Cütlüyün Qabriel və Maks adında oğulları var(azərtac).

Əvvəlki məqalə

Putin beynəlxalq informasiya agentliklərinin rəhbərləri ilə görüşəcək

Sonrakı məqalə

Ermənistan Azərbaycanın sülh müqaviləsi ilə bağlı son təkliflərinə cavab verib