Elmi cəhətdən sübut edilmişdir ki, fiziki fəaliyyət beynin uyğunlaşmasını və qan dövranını yaxşılaşdırmaqla və iltihabı azaltmaqla onu qoruya bilər. AzPost Ferra.ru- ya istinadən xəbər verir ki, hər gün bir az idmanla məşğul olsanız belə bu baş verə bilər.
Yeni araşdırma çərçivəsində 1100-dən çox insan yaddaş testləri, qan testləri və beyin skanları aparıb. Alimlər apardıqları işlər nəticəsində üç şeyi kəşf ediblər. Birincisi, fiziki cəhətdən aktiv insanlarda Alzheimer xəstəliyi ilə əlaqəli iki beyin zülalının (NfL və ptau217) daha aşağı səviyyələri var idi. Onlar yaddaş və düşüncə testlərində də daha yaxşı nəticə göstəriblər.
İkincisi, idmanın faydaları xüsusilə yaşlı insanlar və bəzi idrak problemləri əlamətləri olan insanlar arasında nəzərə çarpırdı.
Üçüncüsü, fiziki fəaliyyət birbaşa beyin sağlamlığını və düşüncəsini yaxşılaşdıra bilər və ya Alzheimer xəstəliyi ilə əlaqəli beyin dəyişikliklərinin inkişafını ləngidə bilər.
