Dünya yenidən nüvə şantajı və silahlanma yarışı ilə müşayiət olunan nüvə müharibəsinin astanasındadır.
AzPost bildirir ki, bu barədə “The Washington Post” qəzeti yazıb.
Nəşr qeyd edir ki, Rusiya “Burevestnik” nüvə enerjisi ilə işləyən raketini və “Poseydon” sualtı gəmisini əldə edib. ABŞ prezidenti Donald Tramp nüvə sınaqlarına yenidən başlamağın mümkünlüyünü açıqlayıb.
Müəlliflər vurğulayırlar ki, nüvə silahlanma yarışı, nüvə şantajı və nüvə həddi 1950-ci illərin sonu və 1960-cı illərin əvvəllərindən bəri görünməmiş səviyyəyə qayıdıb.
Daha əvvəl ABŞ-ın nüvə başlığı daşıya bilən “Minuteman III” raketini sınaqdan keçirdiyi bildirilirdi. Rusiya Təhlükəsizlik Şurasının sədr müavini Dmitri Medvedev ABŞ-ın Rusiyanı nüvə sınaqlarını nəzərdən keçirməyə məcbur etdiyini bildirib.
