“Dünyada koronavirusa təkrar yoluxma hadisəsi 30-dan çox deyil”.
Bu barədə “Rospotrebnadzor”un Mərkəzi Epidemioloji-Tədqiqat İnstitutunun elmi işlər üzrə direktor müavini Aleksandr Qorelov “Doktor TV” kanalına açıqlamasında bildirib.
A.Qorelov qeyd edib ki, onlardan bir nəfəri dünyasını dəyişib: “Təkrar koronavirusa yoluxanlardan ölən şəxsin yaşı 80-dən yuxarıdır. O, eyni zamanda xərçəngdən əziyyət çəkirdi”.
Qeyd edək ki, pandemiyanın başlanğıcından bəri dünyada, təxminən, 97,5 milyon insan koronavirusa yoluxub, 2 milyondan çox ölüm qeydə alınıb.
