Astroloqlar bəzi bürclərin həqiqəti olduğu kimi söyləməkdənsə, hadisələri şişirtməyə, vəziyyətə uyğun olaraq fikirlərini dəyişməyə və hətta bəzən yalan danışmağa daha meyilli olduğunu iddia edirlər.
“Obozrevatel”in yaydığı yazıda daim yalan danışmaqla əlaqələndirilən 3 bürc sıralanıb.
3-cü yer – Oxatan
Astroloqların fikrincə, Oxatanlar hadisələri şişirtməyə və faktları daha maraqlı göstərmək üçün bəzəməyə meylli ola bilərlər.
Bu, hər zaman qarşı tərəfi aldatmaq məqsədi daşımır. Bəzən onlar sadəcə söhbəti daha maraqlı etmək və diqqət çəkmək istəyirlər. Lakin zaman keçdikcə həqiqətlə xəyal arasındakı sərhəd bulanıqlaşa bilər.
2-ci yer – Əkizlər
Əkizlər sözlə oynamaq və müxtəlif vəziyyətlərə tez uyğunlaşmaq bacarığı ilə fərqləndirilir.
Astroloqların iddiasına görə, onlar eyni hadisəni vəziyyətdən asılı olaraq müxtəlif cür danışa bilərlər. Bu səbəbdən Əkizlərin söylədikləri versiyalar arasında fərqlər yarana bilər.
1-ci yer – Qoç
Siyahının birinci pilləsində Qoç bürcü qərarlaşıb.
Astroloqlar bunu bu bürcün impulsiv davranması ilə əlaqələndirirlər. Qoçlar bəzən emosiyaların təsiri altında düşünmədən danışa və sonradan dediklərini dəyişə bilərlər.
Bu səbəbdən onların “həqiqəti”nin həmin andakı emosional vəziyyətdən asılı olduğu iddia edilir.
Qeyd edək ki, astrologiyanın insanın xarakterini və davranışlarını bürcünə əsasən müəyyən etdiyini göstərən elmi sübut yoxdur. Astroloqların, tarotçuların, ekstrasenslərin, numeroloqların və ezoteriklərin fikirləri elmi əsaslı hesab edilmir və mühüm qərarlar üçün etibarlı əsas sayıla bilməz.
