Türkiyə prezidenti Rəcəb Tayyib Ərdoğan dekabrın 19-da Qahirədə İslam Səkkizlik Qrupunun (D-8) sammitində iştirak edəcək.
Azpost.info xəbər verir ki, bu barədə Türkiyə Prezident Administrasiyası yanında Kommunikasiya şöbəsinin müdiri Fəxrəddin Altun məlumat verib.
Ərdoğan sammitdə həmkarları ilə də ikitərəfli görüşlər keçirəcək. Bu təmaslarda əsas diqqət cari qlobal və regional problemlər, xüsusilə Suriya və Fələstin olacaq. O, həmçinin Fələstin və Livandakı vəziyyətə həsr olunmuş xüsusi sessiyada iştirak edəcək.
Azpost.info
