Ermənistan Zəngəzurda Azərbaycanla sərhədi Rusiya hərbçilərinə verir –

Paşinyan Moskvaya rəsmi heyət göndərdi
24 İyun 2021 - 11:31

Ermənistanın baş naziri vəzifəsini icra edən Nikol Paşinyan Moskvaya hökumət rəsmilərindən ibarət nümayəndə heyətinin göndərilməsi barədə qərar imzalayıb.

Azpost.info bildirir ki, nümayəndə heyəti Rusiya hərbi bazası ilə bağlı məsələləri müzakirə etməlidir. Nümayəndə heyəti iyunun 26-da yola düşəcək və iyulun 1-də geri qayıdacaq. Moskvada Rusiya-Ermənistan hökümətlərarası komissiyasının 13-cü iclası keçiriləcək.

Bu iclasda hərbi bazanın fəaliyyət göstərməsi üçün Rusiya tərəfinə veriləcək torpaq sahələri və mülkiyyət məsələsinə baxılacaq.

Qeyd edək ki, Ermənistan hakimiyyəti bir neçə aydır Zəngəzurun Gümrüdə yerləşən 102-ci rus hərbi bazası hesabına gücləndirilməsi barədə müzakirə aparır.