“Rusiya və Ermənistan bu gün münasibətlərində heç də asan dövr yaşayırlar”.
Azpsot.info xəbər verir ki, bunu Kremlin sözçüsü Dmitri Peskov deyib.
Peskovun sözlərinə görə, Ermənistanla münasibət qardaşlıqdan da artıqdır.
“İndi biz dost, qardaş Ermənistanla münasibətlərdə mürəkkəb dövr yaşayırıq. Bizim münasibətlər hətta qardaşlıqdan da artıqdır, çünki burada Ermənistanın özündən də çox erməni yaşayır”, – Peskov bildirib.
O əlavə edib ki, Rusiyada yaşayan ermənilərin iqtisadi aktivliyi hələ də Ermənistanın ümumi büdcəsinin əhəmiyyətli faizini təşkil edir: “Onlar hər il Ermənistana milyardlarla dollar köçürürlər. Bununla belə, Qafqaz regionu qeyri-regional qüvvələrin diqqətini cəlb edir. Bu qüvvələrin iştirakı çox məhdud olmalıdır, çünki sabitlik və firavanlıq gətirmək iqtidarında deyillər. Ona görə də ümid edirik ki, əlaqələrimizin inkişafını davam etdirmək üçün İrəvanda siyasi iradə qalib gələcək və biz bu çətin dövrdən uğurla keçəcəyik”.
Azpsot.info
