“Fitch Ratings” Azərbaycanın xarici valyutada uzunmüddətli emitent defoltu kredit reytinqini (IDR) növbəti dəfə “BBB-” səviyyəsində təsdiqləyib. Proqnoz “Sabit”dir.
Azpost “APA-Economics”ə istinadən bildirir ki, bu barədə reytinq agentliyi xəbər verir.
Qeyd olunub ki, reytinq Azərbaycanın çox güclü xarici balansı, aşağı dövlət borcu və suveren fondun böyük aktivləri hesabına yüksək maliyyə çevikliyi ilə dəstəklənir.
(Qeyd edək ki, 2024-cü il 1 iyul tarixinə Azərbaycanın xarici dövlət borcu 5 milyard 367,5 milyon ABŞ dolları, daxili borcu isə 16571,9 milyon manat təşkil edib. “Azərbaycan Respublikasında dövlət borcunun idarə edilməsinə dair orta və uzun müddət üçün Strategiya”sına uyğun olaraq xarici borcun daxili borcla əvəzlənməsi istiqamətində məqsədyönlü borclanma siyasətinin həyata keçirilməsi nəticəsində daxili dövlət borcu 2024-cü il 1 iyul tarixinə 16571,9 milyon manat təşkil edib. xarici borcun daxili borcla əvəzlənməsi istiqamətində məqsədyönlü borclanma siyasətinin həyata keçirilməsi nəticəsində daxili dövlət borcu 2024-cü il 1 iyul tarixinə 16571,9 milyon manat təşkil edib)
Bu barədə Maliyyə Nazirliyindən bildirilib.
“Fitch” təxmin edir ki, Azərbaycanın suveren xarici valyuta aktivləri (83%-i Azərbaycan Respublikası Dövlət Neft Fonduna (SOFAZ) məxsusdur, qalanı Azərbaycan Respublikası Mərkəzi Bankının ehtiyatlarındadır) 2024-cü ildə 76 milyard ABŞ dollarına (proqnozlaşdırılan ÜDM-in 102%-i) çatıb. Azərbaycanın suveren xarici aktivlərinin xalis mövqeyi, 2024-cü ildə ÜDM-in 71%-i olaraq təxmin edilir və bu, ‘BBB’ və ‘A’ suverenləri arasında ən yüksəkdir.
Fitch gözləyir ki, fiskal siyasət güclü suveren xarici aktivləri qorumaq və makroiqtisadi disbalansların yığılmasının qarşısını almaqla neft qiymətlərinin dəyişkənliyini idarə etmək üçün adekvat siyasət buferlərini qorumaqla uyğun olacaqdır.
Qeyd edək ki, “Fitch Ratings” Azərbaycanın xarici valyutada uzunmüddətli emitent defoltu reytinqini (IDR) 2024-cü ilin iyul ayında“BB+” səviyyəsindən “BBB-” səviyyəsinə yüksəldib.
