G7 ölkələri ərzaq təhlükəsizliyi alyansı yaratmağa razılaşıblar.
Azpost.info xəbər verir ki, bu barədə “Spiegel” məlumat yayıb. Məlumata görə, yeni struktur Ukraynadakı müharibə və taxıl qıtlığı səbəbindən dünya əhalisinin ərzaqla təminatı ilə məşğul olacaq. Almaniyanın inkişaf naziri Svenya Şultse bildirib ki, Putin aclıqdan silah kimi istifadə etdiyi üçün qıtlıq riski var. “Spiegel” yazır ki, alyans beynəlxalq mandata malik BMT ərzaq proqramını təkrarlayacaq. Xatırladaq ki, dəniz limanlarının bağlanması səbəbindən Ukrayna gündəlik 170 milyon dollar itirir. Ukraynanın xarici işlər naziri Dmitri Kuleba bildirib ki, ölkədəki ərzaq məhsullarının dünya bazarlarına ixracı üçün alternativ marşrutların yaradılması barədə Avropa İttifaqı ölkələri ilə razılığa gəliblər.
Azpost.info
