Gəncə Teatrı – 50 illik yubileyindən GÖRÜNTÜLƏR
AzTV-nin “Qızıl Fond”undan 1972-ci ildə Gəncə Dövlət Dram Teatrının 50 illik yubileyindən olan nadir kadrlar təqdim olunub.
AzPost görüntüləri təqdim edir.
Əlavə olaraq oxu: Gəncə Dövlət Dram Teatrı 1925-ci ilə kimi “Tənqid-təbliğ” teatrı adı ilə 1925-ci ildən isə “Bakı-işçi-kəndli” teatrına çevrilmişdir. 1932-ci ilin dekabr ayında teatr bütün heyəti ilə birlikdə Gəncəyə köçürülmüş və fəaliyyətini burada davam etdirmişdir.
Gəncə şəhərində XIX əsrdə həvəskar teatr truppaları fəaliyyət göstərməyə başlayırlar. 1899-cu ildə burada “Teatr” adlanan bina həvəskar aktyorların ixtiyarına verilib. 1906-cı ildə isə həvəskarlardan ibarət “Gəncə müsəlman dram məclisi” teatr truppası yaradılıb. Sonradan 1915-ci ildə ilk dəfə olaraq Gəncədə “Qız məktəb”-i tələbələrinin ilk dram truppası da yaradılır. Bu truppada gələcəkdə teatr tarixində vacib rol oynayacaq Adil İsgəndərov, Barat Şəkinskaya, Mir İbrahim Həmzəyev və digərləri fəaliyyət göstəriblər.
