Gün boyu yuxulu olmaq xroniki yorğunluq, anemiya, yuxu apnesi və ya hipotiroidizmin əlaməti ola bilər.
Azpost.info xəbər verir ki, bunu rusiyalı həkim, tibb elmləri namizədi Andrey Kondraxin bildirib.
Onun sözlərinə görə, bu problemlərin hər biri yuxunun keyfiyyətinə və orqanizmin ümumi vəziyyətinə təsir göstərir.
“Yuxululuq anemiyanın, yəni dəmir çatışmazlığının əlaməti ola bilər. Dəmir çatışmazlığı beyində oksigen çatışmazlığına səbəb olur ki, bu da yorğunluğa səbəb olur. Beyində kifayət qədər oksigen yoxdur və o, həddindən artıq yüklənməyə başlayır”, – həkim bildirir.
Kondraxin qeyd edib ki, xroniki yorğunluq əsasən çox işləyən və az istirahət edən insanlarda olur. Yuxusuzluq həm də artıq çəkili insanlarda rast gəlinən yuxu zamanı tənəffüs pozğunluğu olan apnenin nəticəsi ola bilər.
Bundan başqa, hipotiroidizmdə tiroid hormonlarının çatışmazlığı enerji səviyyəsini azaldır, yuxu ehtiyacını artırır.
Azpost.info
