Gürcüstanda koronavirusa yoluxmuş şəxsin vəziyyəti qənaətbəxşdir.
APA-nın yerli bürosu xəbər verir ki, bu barədə Gürcüstan İnfeksiyon Xəstəliklər Xəstəxanasından məlumat verilib. Bildirilib ki, həmin şəxsdə hələlik yoluxmanın ağır simptomları müşahidə edilməyib.
Qeyd edək ki, Azərbaycandan keçməklə İrandan gələn Gürcüstan vətəndaşında fevralın 26-da koronavirus aşkarlanıb. Xəstəlik aşkar edilən 50 yaşlı kişi Gürcüstan-Azərbaycan sərhədindən birbaşa xəstəxanaya yerləşdirilib.
