Hansı yeməklər ömrü qısaldır? Düzgün qidalanma sağlamlığı və gözəlliyi qorumağa kömək edir. AzPost Ngs24.ru -ya istinadən bildirir ki, həkimlərin fikrincə, bu həm də uzunömürlülüyün açarıdır.
Doktor İrina Sergeyeva gəncliyi tez “aparan” dörd zərərli məhsulu sadalayıb.
Siyahının əvvəlində olan yeməklər şəkərli qazlı içkilərdir. Həkimin sözlərinə görə, bu suya şəkər, rəngləyici boyalar, ətirli maddələr qatılır. Bu isə nəticədə təhlükəli mayeyə çevrilir. Müntəzəm olaraq içdikdə çəki artırır, dərinin vəziyyətini pisləşdirir, selülitin görünüşünə və mədə-bağırsaq traktında problemlərə səbəb olur.
Həkim həmçinin bişmə çörək-bulka məhsulların miqdarını məhdudlaşdırmağa çağırıb. Onun fikrincə, hər gün kruasan və tort yemək şəkərli diabet və piylənmə riskini artırır. Sergeyeva həmçinin bədənin su balansını poza bilən duz istehlakını məhdudlaşdırmağı məsləhət görür. Gündə bir çay qaşığı duz istehlak etmək məqbuldur.
Nəhayət, alkoqollu içkilər rasiondan tamamilə xaric edilməlidir. Çünki onlar susuzluğa, orqanların həddindən artıq yüklənməsinə səbəb olur və bədənin yaşlanma prosesini sürətləndirir.
