Riyaziyyat fənni üzrə sertifikatlaşdırmada iştirak edən müəllimlərin 47 faizinin əməkhaqqına 35 faiz artım tətbiq ediləcək.
AzPost bildirir ki, bunu elm və təhsil naziri Emin Əmrullayev ADA Universitetində “Sertifikatlaşdırma 2025: peşəkar müəllim – keyfiyyətli təhsil” mövzusunda keçirilən tədbirdə deyib.
Onun sözlərinə görə, sertifikatlaşdırmada iştirak edən 8807 riyaziyyat müəllimi yüksək nəticə göstərib. Müəllimlərin 46 faizinin əməkhaqqına 10 faiz əlavə tətbiq ediləcək. Bu isə 4078 müəllim deməkdir. Ümumilikdə sertifikatlaşdırmada iştirak edən müəllimlərin 93 faizi, başqa sözlə 8200 nəfəri uğur qazanıb.
