ABŞ Prezidenti Doald Trampın bir sıra ölkələrə tətbiq etdiyi yeni vergi tariflərindən sonra “iPhone” qiymətlərinə də təsir edə bilər. AzPost Türkiyə mətbuatına istinadla xəbər verir ki, “iPhone” qiymətlərinin bu çərçivədə rekord səviyyədə arta biləcəyi deyilir.
İstehsal xərclərinin artması ilə “iPhone” qiymətlərinin iki qat artması gündəmdədir.
Son tariflərin xərclərin artması səbəbindən şirkəti qiymətləri artırmağa məcbur edəcəyi ilə bağlı narahatlıqlar var. “Rosenblatt Securities” analitikləri “iPhone” xərclərinin 43% artacağını proqnozlaşdırır. “Apple bu xərclərin alıcılara necə təsir edəcəyi barədə qərar verməli olacaq.
“Apple” son qiymət artımı ilə 1 TB tutumlu “iPhone Pro Max”ın Türkiyə satış qiymətini 131 999 lirəyə (təx.5900 manat) çatıb. Hazırda bu model ABŞ-də 1599 dollara (2718) satılır. 43%-lik artım ssenarisi reallaşarsa, “iPhone Pro Max”ın Türkiyədə satış qiyməti 188 758 lirəyə (təx. 8446 manat) yüksələcək.
Qeyd edək ki, hazırda Azərbaycanda 1 TB yaddaş tutumu olan “iPhone Pro Max”ın satış qiyməti 4200 manatdan yuxarıdır.
