“İran çox sayda ballistik raketə, xüsusən də qısa mənzilli ballistik raketlərə malikdir. Bu da ABŞ-ı və regiondakı bazalarımızı, eləcə də regional tərəfdaşlarımızı təhdid edir. BƏƏ, Qətər və Bəhreyndəki bütün bazalarımızı da təhdid edir”.
Azpost.info bildirir ki, bu barədə ABŞ dövlət katibi Rubio İspaniya telekanalına müsahibəsində deyib.
Rubionun sözlərinə görə, onlar həmçinin gəmiçiliyi və ABŞ Hərbi Dəniz Qüvvələrini təhdid edə biləcək dəniz aktivlərinə malikdirlər.
Buna görə də, hər kəsin nüvə proqramından əlavə, yalnız Amerikaya və amerikalılara hücum etmək üçün hazırlanmış ənənəvi silahlara sahib olduqlarını başa düşməsini istəyirəm. İranın təkcə uranı zənginləşdirməkdə deyil, həm də dağların dərinliklərində obyektlər yerləşdirməkdə israr etməsi… Düşünürəm ki, bunun nə demək olduğunu və ya nəyə gətirib çıxara biləcəyini anlamamaq üçün tamamilə cahil olmalısınız”-deyə ABŞ dövlət katibi vurğulayıb.
