İranın idman naziri Seyid Həmid Səccadini və digər sərnişinləri daşıyan helikopter Baft şəhərindəki idman kompleksinə enərkən qəzaya uğrayıb.
Azpost.info xəbər verir ki, İRNA agentliyi hadisə şahidlərinə istinadən nazirin sağ olduğunu, ciddi xəsarət almadığını, təyyarədə olan bəzi sərnişinlərin xəstəxanaya aparıldığını bildirib.
“Hadisə şahidlərindən birinin sözlərinə görə, təyyarə eniş zamanı idarəetməni itirib. Fövqəladə hadisə yerindən çəkilmiş fotoşəkilə əsasən, helikopterin quyruq hissəsi ondan ayrılıb”, – məlumatda deyilir.
İran hökuməti hələlik hadisə ilə bağlı şərh verməyib.
Azpost.info
