İranın Parisdəki müvəqqəti işlər vəkili Fransa Xarici İşlər Nazirliyinə çağırılıb.
Azpost.info xəbər verir ki, bu barədə Fransa XİN-in mətbuat xidməti məlumat yayıb.
Diplomatın XİN-ə çağırılması İran müdafiə nazirinin keçmiş müşaviri, eyni zamanda Britaniya vətəndaşlığı olan Əlirza Əkbərinin edam edilməsi ilə bağlı olub.
“Fransa İranda Əliza Əkbərinin edam edilməsini ən kəskin şəkildə pisləyir və Britaniya hakimiyyəti ilə həmrəy olduğunu bildirir. Həmçinin Əkbərinin ailəsinə başsağlığı verir”, – XİN-in bəyanatında deyilir.
Söhbət zamanı müvəqqəti işlər vəkilinə bildirilib ki, İran tərəfindən xüsusən də xarici vətəndaşlara münasibətdə müntəzəm olaraq beynəlxalq hüququn pozulması cavabsız qalmayacaq.
Fransa tərəfi ölüm hökmünün əleyhinə olduğunu da bəyan edib.
Azpost.info
