İranın Milli Təhlükəsizlik Şurasının katibi Əli Laricani bu gün Rusiyaya rəsmi səfərə gəlib.
AzPost bildirir ki, bu barədə Laricani paylaşımında məlumat verib.
O, prezident Vladimir Putinlə görüşərək ikitərəfli məsələləri, o cümlədən iqtisadi, regional və beynəlxalq əməkdaşlığı müzakirə edib.
“Bu səhər Ali Milli Təhlükəsizlik Şurasının katibi doktor Laricani Rusiyaya səfər edib . Laricani Putinə İslam İnqilabının Ali Rəhbərinin müraciətini çatdırıb. İkitərəfli məsələləri, o cümlədən iqtisadi, regional və beynəlxalq əməkdaşlığı müzakirə edib”, – deyə Laricani öz Telegram kanalında yazıb.
Putin Əli Laricani ilə sonuncu dəfə bu ilin iyulunda Moskvada görüşüb. Həmin vaxt Təhlükəsizlik Şurasının katibi İran rəhbərliyinin Yaxın Şərqdə gərginləşən vəziyyət, eləcə də İranın nüvə proqramı ilə bağlı qiymətləndirmələrini çatdırıb. Kremlin mətbuat xidməti Rusiya tərəfinin Yaxın Şərqdə baş verən hadisələrlə bağlı mövqeyini ifadə etdiyini bildirib.
