Barselonada rusiyalı oliqarxın 140 milyon dollarlıq yaxtası saxlanılıb. İspaniya hökuməti yaxtaya həbs qoyub.
Azpost.info xəbər verir ki, bu barədə “Reuters” İspaniya baş naziri Pedro Sançesə istinadən məlumat yayıb. Məlumata görə, yaxta “Rostex”ə rəhbərlik edən keçmiş KQB zabiti Sergey Çemezova məxsusdur. “Bu gün Rusiyanın əsas oliqarxlarından birinə məxsus yaxtanı saxlamışıq. Bizim hesablamalarımıza görə, yaxtanın qiyməti 140 milyon dollardır”, – Sançes deyib. “Marine Traffic” monitorinq saytı bildirir ki, Barselonada daha iki rusiyalı oliqarxın yaxtası dayanır. Hazırda onların sahiblərinin sanksiya siyahısına düşüb-düşmədiyi araşdırılır. Azpost.info
