İsrail Trampın xahişi ilə İrana hücumları dayandırıb.
“Ynet”in xəbərinə görə, bu barədə məlumatı yüksək vəzifəli İsrail rəsmisi təsdiqləyib.
Buna baxmayaraq, İsrail ordusu Livanda hərbi əməliyyatlara davam edəcək.
“Əgər onlar (“Hizbullah”) bizim icmalarımıza atəş açsalar, Dahiyəni hədəfə alacağıq. Baş nazirin (Netanyahu) Trampla danışığı ümumilikdə yaxşı idi. Trampın ictimai mövqeyinə iki dəfə zidd hərəkət etməyimizə – Beyruta və İrana hücum etməyimizə baxmayaraq, ölkələrimiz əsas məsələlər üzrə bir-biri ilə razılaşır”, – İsrail rəsmisi qeyd edib.
Onun sözlərinə görə, hazırkı eskalasiya artıq arxada qalıb.
