İsrailin müdafiə naziri Yoav Qalant vəzifəsindən azad edilib.
Onun yerinə İsrail Katz təyin edilib. Gideon Saar xarici işlər naziri olub.
İsrailin baş naziri Benyamin Netanyahunun müdafiə naziri Yoav Qalantı bu gün istefaya göndərdiyi məlum olub. Hökumət başçısı qərarını Qalanta inamın itirilməsi ilə izah edib. Onun sözlərinə görə, bu, xüsusilə son aylarda hərbi kampaniyanın effektivliyinə əhəmiyyətli dərəcədə təsir edib.
Netanyahu qeyd edib ki, hərbi əməliyyatların əvvəlində Qalantla əməkdaşlıq məhsuldar olub. Lakin zaman keçdikcə idarəetmə məsələləri, eləcə də nazirin bir sıra ictimai bəyanatları və hərəkətləri ilə bağlı ciddi fikir ayrılıqları yaranıb. Bu mövqe hökumətin və Nazirlər Kabinetinin qərarları ilə ziddiyyət təşkil edir.
