Sui-qəsd günü ABŞ-ın 35-ci prezidenti Con Kennedini mühafizə edən və dövlət başçısının həyat yoldaşı Jaklini qorumağa çalışan ABŞ Gizli Xidmətinin agenti Klint Hill 93 yaşında evində vəfat edib. AzPost xəbər verir ki, bu barədə CNN məlumat yayıb.
Telekanalın məlumatına görə, həmin faciəli gündə agent Klint Hill Jaklin Kennedini mühafizə etməli idi. Sui-qəsddən əvvəl o, prezident maşınının ardınca maşına minirmiş. Atışma səsləri eşidəndə agent Hill Kennedinin maşınına tullanıb. Jaklini qorusa da, prezidenti xilas edə bilməyib.
Xatırlayırıq ki, prezident vəzifəsinin icrasına başladıqdan dərhal sonra Donald Tramp ABŞ-ın 35-ci prezidenti Con Kennedinin qətli ilə bağlı arxivlərdə məxfilik pərdəsi altında saxlanılan sənədlərin yayılmasına göstəriş vermişdi.
