Hindistanda məbədə gedən şəxs pələnglər tərəfindən parçalanıb. AzPost xəbər verir ki, bu barədə “The Times of India” qəzeti məlumat yayıb. Belə ki, Hindistanın Ranthambore Milli Parkında məbədə gedən yolda 31 yaşlı yerli sakinin qalıqları tapılıb.
Hadisə fevralın 20-də baş verib. 31 yaşlı yerli sakin Ranthamborda yerləşən Kaçida Mata məbədinə gedirmiş. Yolda pələnglərin hücumuna məruz qalıb.
Fevralın 22-də yoldan keçənlər məbədə gedən yolda səpələnmiş qalıqlar aşkar edib və təcili yardım çağırıblar. Səlahiyyətlilər qeyd edib ki, hadisə yerində kişinin bütün bədən hissələri tapılmayıb. Onlar ehtimal edirdilər ki, qurbanı pələnglər yeyib.
Polis və ekspertlər hələlik kişinin ölümünün dəqiq səbəbini açıqlamasa da, bədənin vəziyyəti pələngin hücumundan xəbər verir. Bildirilir ki, pələnglər bu ərazidə insanlara tez-tez hücum edir.
