Şimali Koreya Ukraynaya qarşı müharibədə iştirak etmək üçün 12 min nəfərdən ibarət 4 hərbi briqada göndərəcək.
Azpost.info xəbər verir ki, bu barədə Cənubi Koreya Milli Kəşfiyyat Xidməti “Yonhap” agentliyinə bildirib.
Cənubi Koreya kəşfiyyatı hesab edir ki, Pxenyan artıq bu qoşunları səfərbər etməyə başlayıb və Ukrayna cəbhəsinə köçürülməsi Şimali Koreya qüvvələrinin Ukrayna münaqişəsində ilk böyük yerləşdirməsi olacaq.
Cənubi Koreya kəşfiyyatının məlumatları ölkə prezidenti Yun Seok Yeolun fövqəladə təhlükəsizlik iclası keçirməsindən sonra məlum olub. Dövlət başçısının mətbuat xidməti bildirib ki, Seul müttəfiqləri ilə razılaşdırılmış şəkildə Şimali Koreya qoşunlarının Rusiyaya hərəkətini diqqətlə izləyir və vəziyyəti izləməkdə davam edəcək.
Ukrayna prezidenti Vladimir Zelenski bu yaxınlarda demişdi ki, Rusiya müharibədə iştirak etmək üçün KXDR-dən 10 min əsgər cəlb etmək niyyətindədir. Onun sözlərinə görə, Şimali Koreyadan olan zabitlər artıq Ukraynanın işğal olunmuş ərazilərindədirlər və burada Rusiya hərbçiləri ilə birgə təlim keçirlər.
Azpost.info
