Ümumdünya Səhiyyə Təşkilatı (ÜST) koronavirusa görə fövqəladə vəziyyətin başa çatdığını, COVİD-19-un pandemiya statusunun ləğv edildiyini elan edib.
Azpost.info xəbər verir ki, bu barədə ÜST-ün baş direktoru Tedros Adhanom Qebreyesus bildirib.
“COVID-19 virusunun yayılması ilə əlaqədar qlobal səhiyyədə fövqəladə vəziyyət başa çatır. Böyük ümidlə COVID-19-un qlobal fövqəladə hal kimi sonunu elan edirəm.”, – təşkilat rəhbəri qeyd edib.
Qebreyesusun sözlərinə görə, dünyada ən azı 20 milyon insan koronavirus səbəbindən dünyasını dəyişib: “Həkimlər, hökumətlər, eləcə də ictimai təhlükəsizlik naminə şəxsi fədakarlıq etmək qərarına gələn insanlar pandemiyaya qalib gəlməyə kömək etdilər”.
Azpost.info
