Kreml Makronun Ukrayna ilə bağlı bəyanatını təxribat adlandırıb

Fransa lideri Emmanuel Makronun Ukraynadakı münaqişədə birbaşa iştirak etməyə hazır olması ilə bağlı bəyanatları təxribat xarakterlidir.

Bunu Rusiya Prezidentinin mətbuat katibi Dmitri Peskov bildirib. Onun sözlərinə görə, bu cür bəyanatlar gərginliyi artırır.

“Makron Kiyev rejiminə tam dəstək nümayiş etdirir və Fransa Respublikasının hərbi münaqişədə birbaşa iştirakına hazır olduğunu bəyan edir.

Fransanın NATO üzvü, Avropa İttifaqınınnin üzvü, böyük bir Avropa dövləti olduğunu nəzərə alaraq, biz bu bəyanatları olduqca təxribatçı, qitədə gərginliyi artıran və heç nəyə müsbət yardımı olmayan hesab edirik”, – deyə Kremlin sözçüsü vurğulayıb.

Əvvəlki məqalə

Polşanın ən varlı iş adamlarından biri ölü tapılıb

Sonrakı məqalə

Qalmaqallı qanuna görə Gürcüstanı hansı sanksiyalar gözləyir?